YANG RINGAN YANG LUCU KARYA ADOLFIEN LUMI

adolfien-lumi11

Opa Deng Tomat
Di sekolah, Endi so terkenal lantaran amper tiap hari dia datang terlambat.
Kong suatu waktu lantaran so pasti Endi selalu terlambat maso, de pe Engku so jaga kong mo tanya apa lei depe alasan sampe dia terlambat maso skolah hari itu.

Engku : “Skarang apa lei ngana pe alasan terlambat maso sekolah pagi ini endi?”
Endi : “Adoooh.., engku, kita pe keluarga ada musibah pagi ini.”
Engku : “Hmm… musibah apa ?”
adolfien-ilustrasi-nancy-samolahEndi : “Tape Opa meninggal tadi pagi di kobong belakang”
Engku : “Ba apa so ngana pe Opa pagi-pagi di kobong ?”
Endi : “Tape mama ada suruh pete tomat for mo beking smokol, Eeeh.. tunggu-tunggu tape opa so nyanda muncul. Serta tape mama pi cek di
kobong, tape Opa so kras di sei pohong tomat, kong tu tomat so ancor dia
so tindis deng depe badan”
Engku : “Astagaaaaa….! Kong bagimana jo ngana pe mama waktu da lia ngana pe opa so dalam keadaan bagitu?”
Endi : “Mama langsung pigi di pasar ba beli tomat”
Engku : “???”

?????? (Endi dapa ulang pa Engku:: hahahahahahahaha………………….

adolfien-lucu2

Kirim Babi
Ungke dari Sanger pindah ke Jakarta for kuliah di sebuah univertas ternama… Setelah beberapa bulan kuliah di Jakarta, depe papa telpon pa dia mo tau apa yang terjadi di Jakarta…

” Ungke….gimana ngana pe kuliah di Jakarta?”

” Samua fine-fine jo…nyanda ada yang bekeng pusing.”

” Trus..gimana deng ngana pe tamang-tamang kuliah?”

” Dorang bae-bae…..maar amper samua bawa kijang, kuda, bebek…” (maksudnya mobil kijang, babi-babi1kuda dan motor bebek)

” Trus, ngana bawa apa dang?”

” Kita nyanda bawa apa-apa, pa..”

” Aduh, kasian sekali papa pe anak….Besok nanti papa kirim babi pa ngana…”

adolfien-lucuale31

ALE JADI JENDRAL

Ale : “Kita pe papa waktu taong 1975, depe pangkat so Mayor. Skarang, so Mayjen.”
Utu : “Ah..kalu kita pe Oom taong 1970 so Kolonel.”
Ale : “Berarti so Jendral skarang kang ?”
Utu : “Nyanda, so meninggal.”

WEWENE DENG ANJING

adolfien-lucu4Dua orang wewene sementara baku-ambe akang dorang pe anjing-anjing. Nyanda ada diantara dorang yang mo mengalah, karena masing-masing basombong akang dorang pe anjing-anjing.

Wewene A: “Kita pe anjing hebat sekali. Tiap pagi dia so tunggu tu tukang koran di muka pintu. Bagitu tu tukang korang datang, Blacky langsung ambe tu koran kong kase pakita yang sementara smokol di meja makang.

Wewene B: “Kita komang so tau do itu…
Wewene A: (kage jaha) “Hah? Darimana dang ngana tau?”
Wewene B: “Kita pe Anjing yang cirita…” (Rasa ngana hehehe)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s